No mes de maio celebráronse, o Día Internacional da Familia e o Día Mundial do Acollemento Familiar, con este motivo fixemos sesións de sensibilización sobre a temática con nenos e nenas en coles de primaria das provincias de Ourense e Pontevedra. Traballamos a medida de acollemento familiar a través da historia de Juan, un neno que vive nun centro de protección e polas noites soña con ter unha familia que o coide.

Cos nenos e nenas falamos da temporalidade dos acollementos, das diferenzas coa adopción, dos contactos que se manteñen coa familia de orixe e de quen pode ser Familia Acolledora.

Ademais repartíronse materiais da campaña de difusión “A marabillosa loucura de pensar co corazón” que se está desenvolvendo desde Cruz Vermella para sensibilizar e fomentar a cultura do acollemento familiar na nosa sociedade, nesta ocasión entre os máis novos.