Programa de Familias Acolledoras
Este programa da Xunta de Galicia que xestiona Cruz Vermella ten como obxectivo xeral proporcionar unha atención temporal a aqueles nenos, nenas e adolescentes en situación de risco, desamparo ou desprotección social, tutelados ou en garda pola Xunta de Galicia, nun ambiente familiar normalizado, alleo a súa familia de orixe, por non existir esta ou non ser idónea para o seu coidado.
O acollemento familiar
É un recurso de protección temporal e revocable, orientado ao coidado dun neno, nena ou adolescente que se atopa privado dunha adecuada atención pola súa familia (aínda que sexa circunstancialmente) e consiste en confiar o seu coidado a unha persoa ou familia que reúna as condicións persoais, educativas e materiais necesarias para proporcionarlle unha vida familiar.
Os nenos e as nenas
Son os verdadeiros protagonistas no acollemento familiar. Todo xira ao redor deles para que poidan vivir da mellor forma posible a infancia, ese tempo que nunca volve e que todos queremos lembrar cun sorriso. Hai nenos e nenas que o teñen difícil porque as súas familias, por motivos moi diversos, non poden atendelos de forma adecuada.
As familias acolledoras
Ofrecen nun acto solidario o seu fogar a nenos, nenas e adolescentes baixo unha medida de protección e teñen como misión proporcionarlles coidados, seguridade, educación e o agarimo que necesitan mentres se solucionan as circunstancias que lles impiden vivir coa súa familia.
Últimas novidades
Pílula Formativa de Primeiros Auxilios Básicos
Aquí poderás coñecer os conceptos e procedementos básicos para actuar ante pequenos accidentes que requiren dos primeiro
21 Xullo, 2020Belén, Marta e o seu fillo Akeem
Belén e Marta cumpriron o seu desexo de ser nais hai 7 anos, coa chegada do seu fillo Akeem, que agora ten 10 anos. Vive
16 Xullo, 2020Esta é Antía e necesita familia acolledora
Buscamos familia de acollida para Antía! 👧 Ten 6 anos e é unha nena calada, observadora e en ocasións solitaria… c
02 Xullo, 2020
