En Cruz Vermella levamos tres décadas apoiando e acompañando ás familias e á infancia no acollemento familiar, unha medida que lles permite medrar nun fogar estable, protector e afectivo. En Galicia, hai moitos nenos, nenas e adolescentes que precisan este apoio para desenvolver todo o seu potencial.

Este 2026 temos un reto importante: conseguir que todos os nenos e nenas menores de 6 anos que necesiten acollemento poidan ir directamente a unha familia acolledora, sen pasar por un centro de protección. Para iso, precisamos persoas coma ti, dispostas a abrir as portas da súa casa e do seu corazón.

E lembra: cando falamos de “familia”, falamos dun concepto amplo e diverso. Podes ser unha persoa soa, unha parella, unha familia con fillos/as… O importante é ter capacidade de coidar, ofrecer agarimo e estabilidade.

Queres saber máis? Participa nas sesións informativas de xaneiro:

• Lugo: martes 13, de 10:00 a 12:00 h
• Pontevedra: martes 20, de 12:00 a 14:00 h
• Vigo: martes 20, de 16:00 a 18:00 h
• Ourense: xoves 22, de 10:00 a 12:00 h
• A Coruña: martes 27, de 15:30 a 17:30 h
• Santiago: xoves 29, de 16:00 a 18:00 h

Para inscribirte, cubre este ENLACE ou escríbenos a: familias.acolledoras@cruzroja.es.

Realizamos sesións informativas todos os meses e, se hai un grupo de persoas interesadas, podemos desprazarnos a outras localidades. Porque cada neno ou nena merece unha familia que lle dea agarimo e seguridade. Xuntos podemos facelo posible.