Cruz Vermella pon en marcha novas edicións da Formación Básica sobre Acollemento Familiar, que se desenvolverán antes do verán, dirixidas a persoas interesadas en ofrecer unha contorna familiar segura, estable e afectiva a nenos, nenas e adolescentes que, por diferentes circunstancias, non poden vivir temporalmente coa súa familia de orixe.

Esta formación constitúe un paso obrigatorio e o segundo requisito dentro do proceso para optar a ser familia de acollida, tras a primeira toma de contacto informativa. O seu obxectivo é acompañar ás persoas interesadas nunha reflexión consciente e responsable sobre o acollemento familiar, achegando coñecementos, ferramentas e espazos de diálogo.

Un espazo para coñecer, reflexionar e decidir

Abórdanse contidos clave para comprender en profundidade que implica o acollemento familiar, entre eles:

• Que é o acollemento familiar e o seu papel como medida de protección.
• O marco legal e os distintos tipos de acollemento.
• As necesidades emocionais, educativas e relacionales dos nenos, nenas e adolescentes acollidos.
• O rol da familia acolledora, as súas funcións, responsabilidades e límites.
• A importancia do apego, a historia de vida e as relacións familiares.
• O traballo en rede cos equipos profesionais e outros axentes implicados.
• Espazos de reflexión persoal e grupal para valorar a idoneidade e dispoñibilidade.

A formación está pensada non só para informar, senón tamén para acompañar ás persoas participantes nun proceso de toma de decisións realista, respectuoso e aliñado co interese superior da infancia.

Calendario de cursos

Ourense
📅 Venres 29 de maio, de 16:30 a 20:30 h,
e sábado 6 de xuño, de 9:30 a 19:00 h

Vigo
📅 Mércores 10 e 17 de xuño
🕘 De 9:00 a 15:00 h

A Coruña
📅 Venres 12 e 19 de xuño
🕘 De 9:00 a 15:00 h

Como inscribirse?

As persoas interesadas en realizar a Formación Básica deben:

• Dirixirse ao equipo de acollemento familiar da súa provincia de residencia, ou ben
• Escribir a familias.acolledoras@cruzroja.es, indicando o curso e a localidade na que desexan inscribirse

Desde Cruz Vermella seguimos traballando para sensibilizar, acompañar e apoiar as familias que deciden dar un paso adiante e ofrecer coidado, estabilidade e afecto a nenos, nenas e adolescentes que o necesitan. O acollemento familiar é unha experiencia transformadora, tanto para quen acolle como para quen é acollido.