Formación para as familias acolledoras de Cruz Vermella en Galicia.
Abordarase en dous seminarios o concepto de “historia de vida” desde o punto de vista tanto dos nenos, nenas e adolescentes en acollida como dos acolledores. As implicacións e influencia tanto no establecemento do vínculo, como no axuste entre o menor e a familia acolledora, así como o rol que exerce tanto na autoestima do neno/nena, como na construción da súa identidade.
Unido a isto, abordarase tamén a integración dos cambios de familia e as situacións que viven os menores en acollemento e que van influír no proceso de construción da identidade dos nenos, nenas e adolescentes acollidos.
“Integración da historia de vida: reparación e resiliencia” (22 de maio).
Seminario on line que se celebrará o sábado 22 de maio de 10:30 a 12:30 h a través de Microsoft Teams.
Contidos:
- A Resiliencia.
– En qué consiste a resiliencia.
– Calidades das persoas resilientes.
– Funcións dos/as acolledores/as para axudar a xerar resiliencia.
– Claves para xerar resiliencia. - A Reparación.
– A familia acolledora como motor da reparación emocional dos menores acollidos. - A historia de vida.
– Que é a historia de vida e a súa importancia.
– Pautas e recursos para axudar a crear a historia de vida.
Podes inscribirte aquí, ou a través deste cuestionario o prazo rematará o 20 de maio.
“Como axudar a integrar os cambios nas historias de vida dos rapaces/as e as dobres pertenzas” (19 de xuño).
Seminario on line que se celebrará o sábado 19 de xuño de 10:30 a 12:30 h a través de Microsoft Teams.
Contidos:
- Os cambios:
– Unha nova ruptura: a vivencia dos cambios, a interrelación co vínculo nos menores acollidos.
– Integrar o cambio na historia de vida. - O reto de nadar entre dúas augas:
– Xestionar as dobres pertenzas.
Abrirase a inscrición no mes de xuño.
Para ampliar información ou si tes algunha dificultade na inscrición podes escribir a moncas@cruzroja.es ou contactar co teu referente no equipo de Acollemento Familiar.